اسلام آباد(مانیٹرنگ ڈیسک)چوہدری شجاعت حسین اپنی کتاب ’’سچ تو یہ ہے ‘‘میں انکشاف کرتے ہوئے لکھتے ہیں کہ بے نظیر بھٹو 10 اپریل1986ءکو پاکستان واپس آئیں ‘میاں نواز شریف محترمہ کو لاہور ائیرپورٹ سےگرفتار کرنا چاہتے تھے‘ ان کا کہنا تھا ”ہم محترمہ کو ائیر پورٹ ہی سے پک کر لیں گے“ لیکن وزیراعظم محمد خان جونیجو نے ڈانٹ کر کہا ”میاں صاحب وہ ایک بڑی پارٹی کی لیڈر ہیں‘ یہ آپ کیسی بات کررہے ہیں“۔

چوہدری شجاعت مزید لکھتے ہیں کہ میاں نواز شریف 1988ءمیں لاہور ہائی کورٹ میں اپنی مرضی کا چیف جسٹس لگوانا چاہتے تھے‘ میں نے وزیراعظم کو مشورہ دیا آپ سینئر ترین جج کو چیف لگا دیں‘ محمد خان جونیجو نے میری بات مان لی اور یوں جسٹس عبدالشکور سلام کو چیف جسٹس بنا دیا‘میں اطلاع دینے کےلئے چیف جسٹس کے گھر گیا تو میں یہ دیکھ کر حیران رہ گیا وہ دو کمروں کے معمولی سے گھر میں رہتے ہیں۔

موضوعات:بینظیر بھٹو چوہدری شجاعت حسین سچ تو یہ ہے محمد خان جونیجو نواز شریف