کراچی (آئی این پی) پیپلزپارٹی پار لیمنٹرین کی سیکرٹری اطلاعات ڈاکٹر نفیسہ شاہ نے کہا ہے کہ عمران خان احتساب کیلئے علیمہ خان، علیم خان اورترین کوپیش کریں‘،چندہ چوری کرنے والے کوعوام لیڈرنہیں مانتے‘ عمران خان جعلسازی کرکے اقتدار میں آئے اور ہر گزرتے دن کے ساتھ وہ قوم کے سامنے بے نقاب ہو رہے ہیں ’پیپلزپارٹی کو ہر دور میں انتقام کا نشانہ بنایا جاتا ہے مگرہم مخالفین کا ڈٹ کر مقابلہ کریں گے ۔ اپنے ایک بیان میں ڈاکٹر نفیسہ شاہ نے کہا ہے کہ عمران خان احتساب کیلئے علیمہ خان،

علیم خان اورترین کوپیش کریں،میثاق جمہوریت سے تکلیف کیوں ہے؟ ہمیں پتا ہے۔انہوں نے کہا کہ سب کااحتساب قبول،انتقام کی مزاحمت کرینگے،ان کا کہناتھا کہ سازشی اورلیڈرمیں فرق ہوتا ہے،چندہ چوری کرنے والے کوعوام لیڈرنہیں مانتے،ڈاکٹر نفیسہ شاہ نے کہا کہ عمران خان جعلسازی کرکے اقتدار میں آئے اور چار ماہ میں تحر یک انصاف کی تبدیلی سر کارنے عوام کا جینا مشکل کردیا ہے مہنگائی اور بے روزگاری جیسے مسائل میں خطر ناک حد تک اضافہ ہو رہا ہے اس سے بڑی انکی ناکامی کیا ہوگی ۔