لاہور( این این آئی) وزیراعلیٰ پنجاب سردار عثمان بزدار بغیر پروٹوکول شاپنگ کرنے گلبرگ پہنچ گئے، شہری وزیراعلیٰ پنجاب کوا پنے درمیان دیکھ کر حیران رہ گئے اور ان کے ساتھ سیلفیاں بناتے رہے۔ تفصیلات کے مطابق وزیر اعلیٰ پنجاب سردار عثمان بزدار
حکومتی امور نمٹانے کے بعد رات کے وقت بغیر پروٹوکول گلبرگ پہنچ گئے اور اپنے لئے گرم ملبوسات خریدے۔ مرد و خواتین شہری وزیر اعلیٰ پنجاب کو بغیر پروٹوکول اپنے درمیان دیکھ کر حیران رہ گئے اور ان کے ساتھ سیلفیاں بناتے رہے۔
