اسلام آباد (مانیٹرنگ ڈیسک )خواجہ آصف نے حد کر دی، شاہ محمود قریشی کی جانب سے متحدہ عرب امارات کی جانب سے تین ارب ڈالر کے اعلان پر ایسا تبصرہ کر دیا کہ جس نے پڑھا اس کی ہنسی چھوٹ گئی۔ تفصیلات کے مطابق متحدہ عرب امارات کی جانب سے پاکستانی معیشت کو سنبھالا دینے کیلئے گزشتہ روز تین ارب روپے کے بیل آئوٹ پیکیج کا اعلان کیا گیا تھا تھا جس کے مطابق

متحدہ عرب امارات تین ارب ڈالر سٹیٹ بینک آف پاکستان میں جمع کروائے گا جس پر عمران خان اور شاہ محمود قریشی نے پیغام جاری کرتے ہوئے دوست اسلامی ملک کا شکریہ ادا کیا ۔ پاکستانی وزیر خارجہ شاہ محمود قریشی نے سماجی رابطے کی ویب سائٹ ٹویٹر پر اپنے پیغام میں لکھا کہ ” ہم تین بلین ڈالر کی مالی مدد پر ولی عہد محمد بن زید کے شکرگزار ہیں ،یہ پاکستان اور متحدہ عرب امارات کے قریبی تعلقات کا واضح ثبوت ہے جو ہر مشکل وقت میں ایک دوسرے کیساتھ کھڑے ہوئے ‘‘۔شاہ محمود کے اس ٹویٹ پر سابق وزیر خارجہ رہنے والے خواجہ آصف میدان میں آگئے اور انہوں نے اس ٹویٹ پر نہایت مضحکہ خیز اور طنزیہ ٹویٹ کر دی۔ ” ہم تین بلین ڈالر کی مالی مدد پر ولی عہد محمد بن زید کے شکرگزار ہیں ،یہ پاکستان اور متحدہ عرب امارات کے قریبی تعلقات کا واضح ثبوت ہے جو ہر مشکل وقت میں ایک دوسرے کیساتھ کھڑے ہوئے ‘‘۔واضح رہے کہ خواجہ آصف کے ٹویٹ میں لکھے گئے الفاظ پنجاب کے مختلف علاقوں میں شادی بیاہ کے موقع پر بلائے جانیوالے بھانڈ بخشش ملنے پر ادا کرتے ہیں۔ خواجہ آصف نے دراصل اس ٹویٹ میں حکومت پر شدید تنقید کی ہے۔واضح رہے کہ گزشتہ روز خواجہ آصف کی نیب کے ہاتھوں گرفتاری کے خوف سے بیرون ملک جانے کی خبریں میڈیا کی زینت بنی تھیں جس پر خواجہ آصف نے آج ٹویٹر کے ذریعے ہی پیغام دیتے ہوئے کہا ہے کہ وہ اپنی بیٹیوں سے ملاقات کیلئے امریکہ میں موجود ہیں۔

موضوعات:خواجہ آصف