اسلام آباد (نیوز ڈیسک ) پاکستان مسلم لیگ (ن) کے رہنما خواجہ سعد رفیق نے کہا ہے کہ پروڈکشن آرڈر پر سپیکر قومی اسمبلی کا شکر گزار ہوں، کیا انتقام کا یہ سلسلہ کہیں رکے گا بھی یا نہیں، انتقام کا سلسلہ نہ رکا تو سب کو لے ڈوبے گا۔ جمعہ کو اسپیکر قومی اسمبلی اسد قیصر کی جانب سے پروڈکشن آرڈر جاری ہونے پر خواجہ سعد رفیق کو قومی اسمبلی اجلاس میں شرکت کیلئے نیب ٹیم پارلیمنٹ ہائوس پہنچی ، جہاں پارلیمنٹ لاجز میں ان کی رہائش گاہ کو ہی سب جیل
قرار دیا گیا۔سعد رفیق سے قبل شہباز شریف پارلیمنٹ ہاوس پہنچے جنہوں نے پارلیمنٹ آمد پر خواجہ سعد رفیق کا استقبال کیا،اس موقع پر مسلم لیگ نون کی ترجمان مریم اورنگزیب اور دیگر لیگی رہنما بھی ان کے ہمراہ تھے۔ خواجہ سعد رفیق نے کہا کہ میرے ساتھ نیب کا رویہ مناسب ہے کیا انتقام کا یہ سلسلہ کہیں رکے گا بھی یا نہیں۔ انتقام کا سلسلہ نہ رکا تو سب کو لے ڈوبے گا۔ پرودکشن آرڈر پر سپیکر قومی اسمبلی کا شکر گزار ہوں۔ چھ دن ضائع کرکے پروڈکشن آرڈر جاری ہوئے۔
