اسلام آباد(مانیٹرنگ ڈیسک)لاہور کے حلقے پی پی۔168کے ضمنی انتخاب میں پی ٹی آئی کے اسد کھوکھر نے میدان مارلیا۔ تفصیلات کے مطابق پنجاب اسمبلی کی نشست پی پی۔168 کے ضمنی انتخاب میں غیر سرکاری اور غیر حتمی نتائج کے مطابق تحریک انصاف کے ملک اسد کھوکھر نے میدان مارلیا۔لاہور کی یہ نشست ن لیگی رہنما خواجہ سعد رفیق نے رکن
قومی اسمبلی منتخب ہونے کے بعد خالی کی تھی اور اس نشست پرپیپلز پارٹی نے مسلم لیگ (ن) کی حمایت کا اعلان کیا تھا۔آرٹی ایس سسٹم کے تحت تمام 83 پولنگ اسٹیشنوں سے موصول نتائج کے مطابق پی ٹی آئی کے ملک اسد کھوکھر 17579ووٹ لے کر کامیاب ہوگئے، اُن کے مدمقابل ن لیگ کے رانا خالد محمود 16892ووٹ لے کردوسرےنمبر پر رہے۔
