اسلام آباد (نیوز ڈیسک) انور لودھی نے سینئر معروف صحافی حامد میر پر اجمل قصاب کو پاکستانی ثابت کرنے کے لیے زور لگانے کا الزام لگا دیا، انور لودھی نے اپنے ٹویٹ میں لکھا کہ ’’اجمل قصاب کو پاکستانی ثابت کرنے پر حامد میر نے سب سے زیادہ زور لگایا تھا، اجمل قصاب کا انڈین ڈومیسائل سامنے آنے کے بعد حامد میر کو اپنے شو میں یا تو اس ڈومیسائل کو غلط ثابت کرنا چاہیے یا پھر ایسی ملک دشمن رپورٹنگ پر قوم سے معافی مانگنی چاہیے‘‘۔
انور لودھی کی جانب سے اس الزام پر معروف صحافی حامد میر نے جواب میں ٹویٹ کرتے ہوئے کہا کہ ’’جھوٹے کا منہ کالا، پہلے تو تم زور لگا کر ثبوت لاؤ کہ حامد میر نے اجمل قصاب کو پاکستانی ثابت کرنے کے لیے کون سے شو میں کیا زور لگایا اس کی پھانسی کے کئی سال بعد تمہیں ڈومیسائل کی پڑی ہے جب جنرل محمود درانی نے اسے پاکستانی تسلیم کیا تھا اس وقت تم کہاں تھے؟ تم جھوٹ کے سوا کچھ نہیں بولتے‘‘۔
