اسلام آباد(مانیٹرنگ ڈیسک)سابق امریکی صدر جارج ڈبلیو بش پاکستان ٹیلر کے مداح نکلے ۔اپنے سوٹ سلوانے کے لیے کراچی سے سرفراز اکبر نامی ٹیلر کو خصوصی طیارے میں امریکا بلوا لیا۔تفصیلات کے مطابق سوشل میڈیا پرکچھ تصاویر وائرل ہو رہی ہیں جن میں دیکھا جا سکتا ہے کہ ٹیلر سابق امریکی صدر بش کا ناپ لےرہا ہے۔جب کہ جارج ڈبلیو بش بھی اس موقع پر بہت خوش دکھائی دے رہے ہیں ۔میڈیا رپورٹس کے

مطابق  سرفراز نامی ٹیلر کی دکان کراچی کے علاقہ زم زمہ میں ہے۔جس نے کپڑے سینے میں کمال مہارت حاصل کر رکھی ہے۔مذکورہ ٹیلز مشہورشخصیات کے ملبوسات تیار کرتا  ہے۔سوشل میڈیا صارفین کی طرف سے کئی قسم پر تبصرے کیے جا رہے ہیں۔کچھ صارفین کا کہنا ہے کہ ایک ایسا شعبہ جس کو ہمارے ہاں عزت نہیں دی جاتی اس نے سابق امریکی صدر کا دل جیت لیا ہے اور ٹیلر کے فن کی وجہ سے اسے اتنی عزت دی ہے۔