اٹک (آئی این پی )حکومت نے 5دن کے لئے عوام پر بڑی پابندی عائد کردی،حکم فوری طور پر نافذالعمل ہو کر یکم دسمبر تک مؤثر رہے گا ، محکمہ داخلہ حکومت پنجاب نے دفعہ 14 کے تحت پانچ یا پانچ سے زائد افراد کے اجتماع پر پابندی عائد کر دی ہے مگر یہ پابندی نماز جنازہ ، باجماعت نمازوں ، مساجد میں کیے جانے والے اجتماعات ، امام بارگاہوں
اور دیگر عبادت گاہوں پر لاگو نہیں ہو گی اس حکم کے تحت ریلیز ، جلسوں ، جلوسوں ، دھرنوں اور مظاہروں وغیرہ کے انعقاد ، ہر قسم کی اسلحہ کی نمائش ، بغیر اجازت لاؤڈ سپیکر کے استعمال ماسوائے اذان ، درود شریف ، خطبہ اور اشتعال انگیز تقاریر پر مکمل پابندی ہو گی پابندی کا یہ حکم فوری طور پر نافذالعمل ہو کر یکم دسمبر تک مؤثر رہے گا ۔
