اسلام آباد (مانیٹرنگ ڈیسک)میرے منہ میں خاک، مجھے لگتا ہے کہ اگر عمران خان پانچ سال پورے کر گئے تو ن لیگ اور پیپلزپارٹی کی قیادت جیل میں ہو گی، معروف اینکر کامران شاہد نے ن لیگ کی عظمیٰ بخاری کے سامنے عمران خان سے متعلق ایسا انکشاف کر دیا کہ ان کی کیا حالت ہو گئی؟۔ تفصیلات کے مطابق نجی ٹی وی پروگرام میں معروف اینکر کامران شاہد نے انکشاف کیا ہے کہ

اگر عمران خان اپنی حکومت کی مدت پوری کر گئے تو ن لیگ اور پیپلزپارٹی کی قیادت جیل میں ہو گی۔ انہوں نے یہ بات اس وقت کہی جب پروگرام میں شریک ن لیگ کی رہنما عظمیٰ بخاری نے کہا کہ ریکارڈ نکلوا کر دیکھیں کہ عمران خان نے اپنے اردگر این آر او زدہ اور نیب زدہ بٹھائے ہوئے ہیں لیکن انہیں تو کبھی نوٹس نہیں آیا۔ اینکر کامران شاہد کا کہنا تھا کہ میرے منہ میں خاک، مجھے نظر آ رہا ہے کہ اگر عمران خان کے 5 سال نکل گئے تو آپ لوگوں کے اگلے 5 سال جیل میں ہیں ۔ آپ لوگوں سے مراد مسلم لیگ اور پیپلز پارٹی کی قیادت ہے۔ان کا مزید کہنا تھا کہ عمران خان کے جو تیور لگ رہے ہیں اس سے کچھ ایسا ہی لگ رہا ہے وہ کبھی تو ملائیشیا جا کر کرپشن پکڑنے کا طریقہ سیکھ رہے ہیں اور چین سے بھی سیکھ رہے ہیں کہ کس طرح کرپٹ لوگوں کی گردنیں اڑائی گئیں اور کیسے ان لوگوں کو فائرنگ سکواڈ کے آگے ڈالا جائے ۔ واضح رہے کہ اس سے قبل اینکر کامران شاہد نے اپنے ایک پروگرام میں دعویٰ کیا تھا کہ پی ٹی آئی کی وفاقی حکومت سندھ میں پیپلزپارٹی کی حکومت ختم کر کے گورنر راج لگانے جا رہی ہے۔ انہوں نے یہ بات اس وقت کہی تھی جب وفاقی وزیر اطلاعات و نشریات نے اس حوالے سے اپنی ایک پریس کانفرنس میں سندھ حکومت اور 18ویں ترمیم کے حوالے سے بات کی تھی۔ اینکر کامران شاہد کا کہنا تھا کہ پی ٹی آئی اے کے گورنر سندھ کو جو اختیارات دینا چاہ رہے ہیں وہ 18ویں ترمیم سے متصادم ہیں۔ سندھ میں تحریک انصاف کی حکومت تو نہیں مگر پی ٹی آئی کی حکومت کراچی اور سندھ کے عوام اور کراچی میں موجود اپنے ووٹ بینک کو ریلیف دینےجا رہی ہے۔