اسلام آباد(مانیٹرنگ ڈیسک) جو آمدن کے ذرائع کی بات کرتے ہیں یہ تصویردیکھ لیں، نواز شریف نے برسوں پہلے کی جنرل یحییٰ کے اتفاق فائونڈری کے دورے کی تصویر ریکارڈ کا حصہ بنانے کی استدعا کر دی۔ تفصیلات کے مطابق آج اسلام آباد کی احتساب عدالت نمبر دو میں جج ارشد ملک نے سابق وزیراعظم نواز شریف کے خلاف العزیزیہ ریفرنس کی سماعت کی۔ اس موقع پر

نواز شریف کا بیان ریکارڈ کیا گیا۔ نواز شریف نے اس موقع پر جج ارشد ملک سے مکالمہ کرتے ہوئے کہا کہ یہ جو آمدن کے ذرائع کی بات کرتے ہیں یہ تصویردیکھ لیں،میں بھی اس تصویرمیں موجودہوں۔ یہ تصویر پاکستان کے سابق فوجی سربراہی جنرل یحییٰ کے اتفاق فائونڈر ی کے دورے کے دوران کی ہے جس میں جنرل یحییٰ اتفاق فائونڈری میں بنائی جانیوالے دفاعی سازو سامان کی نمائش کے موقع پر ایک سٹال کا معائنہ کر رہے ہیں۔ تصویر میں نواز شریف بھی ان کے ہمراہ ہیں جبکہ ایک فوجی افسر جنرل یحییٰ کو مختلف اشیا سے متعلق بریفنگ دے رہا ہے۔ واضح رہے کہ اس وقت نواز شریف سیاست میں نہ آئے تھے بلکہ اپنی خاندانی کاروبار سے منسلک تھے اور اتفاق فائونڈری میں بطور ڈائریکٹر خدمات سر انجام دے رہے تھے۔ نواز شریف نے احتساب عدالت سے اس تصویر کو ریکارڈ کا حصہ بنانے کی استدعا کی۔ تصویرکوریکارڈکاحصہ بنوانے کیلئے نوازشریف نے وکلا سے مشاورت کی،خواجہ حارث نے مشورہ دیا کہ آپ تصویردکھاناچاہتے ہیں توجج صاحب کودکھادیں۔جج ارشد ملک نے کہا کہ تصویرکوریکارڈکاحصہ بنانے کیلئے اخبارکانام اورتاریخ اشاعت بتاناہوگی،نوازشریف نے چودھری تنویر کواخبارکانام اور تاریخ معلوم کرنےکی ہدایت کردی،سابق وزیراعظم نے کہا کہ جج صاحب اس تصویرکوریکارڈپرلانے کیلئے تیارہیں۔

موضوعات:اتفاق فائونڈری العزیزیہ ریفرنس جنرل یحییٰ نواز شریف