اسلام آباد(آن لائن ) سابق وزیر خارجہ خواجہ آصف نے ایک بار پھروزیر اعظم عمرا ن خان پر تنقید کرتے ہوئے کہا ہے کہ قوم دیکھے گی عمران خان اپنے یو ٹرن والے بیان پر بھی یو ٹرن لیں گے۔سابق وزیر خارجہ خوا جہ آصف نے اپنے ٹوئٹر اکاؤنٹ پر وزیراعظم عمران خان کے بیان پر رد عمل کا اظہار کرتے ہوئے کہا کہ
عمران خان نے گزشتہ روز کالم نویسوں سے ملاقات میں بیان دیا کہ حالات کے مطابق جو لیڈریوٹرن نہ لے وہ لیڈر ہی نہیں اور جو یو ٹرن لینا نہیں جانتا اس سے بڑا بے وقوف کوئی نہیں ہوتا لیکن جلد قو م دیکھے گی کہ عمران خان یوٹرن والے بیان پر بھی یوٹرن لیں گے اوراب عوام عمران خان کے یوٹرن کا انتظار فرمائیں زیادہ دیر نہیں لگے گی۔
