جڑانوالہ(آ ئی این پی ) جڑانوالہ بگڑے رائیس زادوں نے زبردستی دوشیزہ کی عزت تار تار کر دی برہنہ حالت میں چھوڑ کر فرار ہو گئے۔ اندراج مقدمہ پر مدعی کو سنگین نوعیت کی دھمکیاں۔ پولیس ملزمان کو گرفتار کرنے میں ناکام، متاثرہ خاندان کی وزیر اعلی پنجاب، آئی جی پنجاب،آر پی او فیصل آباد سے نوٹس لیکر انصاف و تحفظ کا مطالبہ۔ بتایا گیا ہے کہ

جڑانوالہ کے نواحی گاؤں چک نمبر 55ر۔ ب کا رہائشی خورشید احمد زمیندارہ کرتا ہے اور اپنی اہلیہ کے ہمراہ اپنے عزیز کی شادی میں شرکت کے لیے گیا ہوا تھا اور اسکی بھتیجی ثنا دختر منور حسین گھر میں اکیلی موجود تھی کہ گاؤں ہی کے بگڑے رائیس زادوں ممتاز علی نے اپنے ساتھی ساجد کے ہمراہ گھر میں داخل ہو کر ورغلاء لیا اور حویلی میں لے جا کر زبردستی زیادتی کا نشانہ بنا ڈالا ملزمان دوشیزہ کو برہنہ حالت میں چھوڑ کر فرار ہو گئے پولیس تھانہ بلوچنی نے متاثرہ لڑکی کے چچا کی درخواست مقدمہ درج کر لیا ہے مگر تاحال مزمان کو گرفتار کرنے سے انکاری ہے متاثرہ خاندان کا کہنا ہے کہ ملزمان مقدمہ درج کروانے پر سنگین نوعیت کی دھمکیاں دے رہے ہیں لہذا وزیر اعلی پنجاب،آئی جی پنجاب،آر پی او فیصل آباد از خود نوٹس لیکر انصاف و تحفظ فراہم کریں اور ملزمان کو گرفتار کرکے کڑی سے کڑی سزا دیں اس حوالہ سے پولیس تھانہ بلوچنی کا کہنا ہے کہ واقعہ میں ملوث ملزمان کو جلداز جلد گرفتار کر لیا جائے گا۔