اسلام آباد (آئی این پی )وفاقی وزیر ہاؤسنگ اینڈ ورکس چوہدری طارق بشیر چیمہ نے کہا ہے کہ سینیٹ کے الیکشن کے حوالے سے سے جہانگیر ترین نے چوہدری پرویز الٰہی سے ملاقات کی تھی ، ملاقات میں میری کی گئی بات کو دوسرے رخ سے دکھایا گیا۔ چوہدری برادران اور وزیراعظم عمران خان آپس میں متحد ہیں ، پرویز الٰہی جس کے ساتھ ہوتے ہیں اسے دھوکا نہیں دیتے ، میرے حلقے میں مداخلت ہورہی ہے ،
بہاولپور کو جنوبی پنجاب میں نہ ملایا جائے ،یہ معاملہ وزیراعظم کے سامنے بھی اٹھاؤں گا۔وہ پیر کو نجی ٹی وی سے گفتگو کررہے تھے۔ انہوں نے کہا سینیٹ کے الیکشن کے حوالے سے جہانگیر ترین نے چوہدری پرویز الٰہی سے ملاقات کی تھی۔ ملاقات میں میری کی گئی بات کو دوسرے رخ سے دکھایا گیا۔ چوہدری برادران اور وزیراعظم عمران خان آپس میں متحد ہیں۔ مجھے اگر کوئی شکوہ ہوتا تو وہ میں مصدق ملک کے پاس ہی کیوں لے کر جاتا۔ چوہدری پرویز الٰہی جس کے ساتھ ہوتے ہیں اسے دھوکا نہیں دیتے۔ میرے حلقے میں مداخلت ہورہی ہے ۔ طارق چیمہ نے کہا ہے کہ جب تک وزیراعظم وزیراعلیٰ پنجاب کے ساتھ ہیں ہم تب تک ان کے ساتھ ہیں۔ ہمیں وزیراعلیٰ پنجاب عثمان بزدار کی حمایت کرنی ہے۔ پنجاب کو صرف وزیراعلیٰ پنجاب ہی چلارہا ہے۔ خان صاحب ہیڈکوچ اور پرویز الٰہی فیلڈنگ کوچ ہیں۔ انہوں نے کہا کہ بہاولپور کو جنوبی پنجاب میں نہ ملایا جائے۔ یہ معاملہ وزیراعظم کے سامنے بھی اٹھاؤں گا۔ ایوان میں شہباز شریف کو کہا تھا کہ پرویز الٰہی کارنگ روڈ منصوبہ 6ماہ روکا گیا۔ رنگ روڈ منصوبہ جاتی امراء لے جاکر اس میں تبدیلی کی گئی تھی۔ وفاقی وزیر ہاؤسنگ اینڈ ورکس چوہدری طارق بشیر چیمہ نے کہا ہے کہ سینیٹ کے الیکشن کے حوالے سے سے جہانگیر ترین نے چوہدری پرویز الٰہی سے ملاقات کی تھی ، ملاقات میں میری کی گئی بات کو دوسرے رخ سے دکھایا گیا۔
