اسلام آباد (مانیٹرنگ ڈیسک) قومی اسمبلی کے اجلاس کے دوران وفاقی وزیر برائے اطلاعات نشریات فواد چوہدری اور سابق وزیراطلاعات ونشریات مریم اورنگزیب اپوزیشن کے بینچوں پر بیٹھ کر گفتگو کرتے رہے ساتھ سابق سپیکر قومی اسمبلی ایاز صادق بھی موجود رہے ۔ قومی اسمبلی کے گزشتہ اجلاسوں میں حکومتی وزیر اور مریم اورنگزیب ان سے بھی گفتگو کرتی رہتی ہیں اور ان کو چیلنج بھی کرتی رہتی ہیں اور اپنے منہ پر ہاتھ پھیر کر کہتی ہیں کہ ہم آپ کو دیکھ لیں گے اور فواد چوہدری ان کی
طرف دیکھ کر مسکرا دیتے ہیں کہ ٹھیک ہے۔ اسمبلی کے باہر وفاقی وزیر فواد چوہدری اور مسلم لیگ (ن) کی ترجمان مریم اورنگزیب ایک دوسرے کیخلاف بیان بازی کرتے رہے لیکن قومی اسمبلی کے اجلاس میں وہ ایک دوسرے سے اس طرح بات کرتے رہے جیسے وہ مسلم لیگ (ن) کے وزیر ہیں۔کبھی وہ اجلاس کے دوران کھڑے ہوکر بات کرتے ہیں کبھی وفاقی وزیر فواد چوہدری اپوزیشن کے پاس جا کر مریم اورنگزیب بھی گفتگو کرتے دکھائی دیتے ہیں اوراب یہ سلسلہ گزشتہ کئی اجلاس سے جاری ہے ۔
