لاہور (نیوز ڈیسک) پنجاب میں بھی پبلک اکائونٹس کمیٹی کی چیئرمین شپ بارے وفاق کا فارمولا اپنانے کافیصلہ کر لیا گیا، شہباز شریف کو مرکز میں پی اے سی کی چیئرمین شپ نہ ملنے کی صورت میں پنجاب میں حمزہ شہباز کو بھی چیئرمین شپ نہیں دی جائے گی ۔ذرائع کے حوالے سے بتایا گیا ہے کہ شہباز شریف کی طرح انکے صاحبزادے پنجاب اسمبلی میں قائد حزب اختلاف حمزہ شہباز کو بھی نیب انکوائریوں

کا سامنا ہے ۔ پنجاب نے پبلک اکائونٹس کمیٹی کی چیئرمین شپ شہبازشریف کو دینے کے بارے میں وفاق کے فیصلے پرنظریں لگالی ہیں ۔ذرائع کا کہنا ہے کہ پبلک اکاونٹس کمیٹی کی چیئر مین شپ بارے مرکز والا فارمولہ ہی پنجاب میں اختیار کیاجائے گا اور اگر قومی اسمبلی میں قائد حزب اختلاف شہبازشریف کو پبلک اکائونٹس کمیٹی کی چیئرمین شپ نہ دی گئی تو پنجاب میں حمزہ شہباز کو بھی یہ عہدہ نہیں دیا جائے گا۔

موضوعات:پبلک اکائونٹس کمیٹی پنجاب حمزہ شہباز شہباز شریف وفاق