اسلام آباد(مانیٹرنگ ڈیسک)موجودہ صورتحال پر پیپلز پارٹی کی رہنما شہلا رضا وزیراعظم عمران خان اور چیف جسٹس ثاقب نثار کے دفاع میں سامنے آ گئیں۔نجی ٹی وی پروگرام میں گفتگو کرتے ہوئے انہوں نے عمران خان کی نماز پڑھنے کی مثالیں دی اور اسی متعلق گفتگو کرتے ہوئے ان کا کہنا تھا کہ اس تمام معاملے میں جو دل آزاریاں ہوئیں بچوں میں خوف پھیلایا گیا۔اس کی صرف معافی کافی نہیں ہو گی اور ان فتوئوں کو باطل قرار دینا چاہئیے۔میں کیسے مان لوں یہ سب؟
میں نے اپنے وزیراعظم کو جلسوں میں نماز پڑھتے دیکھا ہے اور میں نے انہیں مدینہ میں بغیر جوتوں میں چلتے دیکھاہے۔جو لوگ کہتے ہیں کہ یہ یہودی کا بچہ ہے وہ غلط کہتے ہیں۔ہمیں سوچنا چاہئیے کہ ہمیں کارروائی کہاں ڈالنی ہے۔ایک ایسا چیف جسٹس جو اپنے کام سے ہٹ کر بھی بہت کام کر رہا ہے۔چیف جسٹس کو عوام کو اتنا درد ہے کہ وہ کبھی پانی کا مسئلہ حل کر رہا ہے تو کبھی کوئی مسئلہ حل کر رہا ہے۔میں کیسے مان لوں کہ ایسا شخص عاشقِ رسول نہیں ہو سکتا؟
