اسلام آباد (مانیٹرنگ ڈیسک)پاکستانی معروف صحافی چوہدری غلام حسین نے کہاہے کہ پاکستان کو کوئی مائی کا لال نقصان نہیں پہنچا سکتا کیونکہ عوام فوج کیساتھ قدم سے قدم ملا کر کھڑی ہے ۔ جبکہ پاکستان کی لیڈر شپ بھی مضبوط ہے ، سینئر صحافی نے لیگی رہنما رانا ثنا اللہ پر بھی الزام عائد کرتے ہوئے کہا ہے کہ سابق صوبائی وزیر قانون نے ماڈل ٹائون میں قتل و غارت کروائی اور رانا ثنا اللہ نے پچھلے دنوں میں بھی پرتشدد کاروائیاں کروانے کیلئے کروڑوں روپے بانٹے ہیں۔

چوہدری غلام حسین کا کہنا تھا کہ جن علاقوں میں ن لیگ کی بھاری اکثریت جیتی رہی وہاں یہ کاروائیاں زیادہ ہوئی ہیں ۔ معروف صحافی نے کہا ہے کہ میں جلد ہی تفصیلات رانا ثنا اللہ کیخلاف لائوں گا کہ سابق صوبائی وزیر قانون نے کیسے لوگوں میں کروڑوں روپے بانٹ کر پرتشدد کاروائیاں کروائیں ۔ جبکہ حالیہ تحریک لبیک کے دھرنے میں ہونیوالے املاک کو نقصان پہنچانے والوں کی ابتدائی تصاویر جاری کر دیں اور ان کیخلاف سخت کاروائی بھی کی جائے گی ۔