اسلام آباد (این این آئی)وزیر مملکت برائے داخلہ شہریار آفریدی نے واضح کیا ہے کہ قانون توڑنے والوں سے آہنی ہاتھ سے نمٹا جائیگا، موٹروے پر ہونے والے واقعات کی تحقیقات جاری ہیں، نادرا، ایف آئی اے اور دیگر متعلقہ اداروں سے رابطے میں ہیں ٗحقائق جلد سامنے لائیں گے۔ اتوار کو سرکاری ٹی وی سے گفتگو کرتے ہوئے انہوں نے کہا کہ قوم اضطراب میں تھی اور کچھ لوگوں نے قانون ہاتھ میں لیا۔

انہوں نے کہاکہ نادرا، ایف اے سمیت دیگر متعلقہ اداروں سے رابطے میں ہیں۔ وزارت مواصلات نے اقدامات کئے جبکہ فوٹیجز متعلقہ اداروں کو بھیج دی گئی ہیں۔ موٹروے پر ہونے والے واقعات کی تحقیقات جاری ہیں۔ انہوں نے کہاکہ حقائق جلد سامنے لائیں گے۔ وزیرمملکت برائے داخلہ نے کہاکہ حکومت اپنے فرائض سے آگاہ ہے ۔انہوں نے کہاکہ قانون توڑنے والوں سے آہنی ہاتھ سے نمٹا جائے گا۔