اسلام آباد(مانیٹرنگ ڈیسک) چیف جسٹس کو دل میں تکلیف ،راولپنڈی انسٹیوٹ آف کارڈیالوجی داخل ۔نجی ٹی وی کے مطابق چیف جسٹس انتہائی سخت سیکیورٹی میں فیملی کے ہمراہ چیک اپ کےلئے راولپنڈی انسٹیوٹ آف کارڈیالوجی پہنچے جہاں آر آئی سی کے سربراہ میجر جنرل (ر) اطہر کیانی نے چیف جسٹس کا چیک اپ کیا۔جس کے دوران پتا چلا کہ چیف جسٹس کے دل کی ایک شریان بند تھی، سپیشل بیلون استعمال کرکے شریان کی بندش دور کردی گئی تاہم چیف جسٹس کو مزید
دیکھ بھال کےلئے ہسپتال میں داخل کرلیا گیا۔۔ہسپتال ذرائع کے مطابق چیف جسٹس کے دل میں دو سٹنٹ ڈالے گئے ہیں۔اظہر کیانی کا کہنا تھا کہ چیف جسٹس ثاقب نثار کی کامیاب اینجوپلاسٹی کی گئی اور دل کی ایک بند شریان کو کھول دیا گیا، چیف جسٹس کی حالت خطرے سے باہر ہے اور اب وہ اہلخانہ سے گفتگو بھی کررہے ہیں ۔چیف جسٹس کی عیادت کیلئے جسٹس آصف سعیدکھوسہ بھی ہسپتال پہنچ گئے ۔دریں اثناراولپنڈی انسٹی ٹیوٹ آف کارڈیالوجی کی سیکیورٹی رینجرزنے سنبھال لی ہے ۔
