ہفتہ‬‮ ، 24 مئی‬‮‬‮ 2025 

مولانا سمیع الحق کاقتل دہشت گردی کا واقعہ نہیں،پولیس کی بڑی پیش رفت، حیرت انگیز تفصیلات منظر عام پرآگئیں

datetime 3  ‬‮نومبر‬‮  2018
ہمارا واٹس ایپ چینل جوائن کریں

راولپنڈی ( آن لائن)راولپنڈی پولیس نے جمعیت علما اسلام (س)کے سربراہ مولانا سمیع الحق کے سفاکانہ قتل میں دہشت گردی کے عنصر کو مسترد کردیاہے جس کے بعد مقدمہ کے اندراج میں دہشت گردی کی دفعات کے بجائے قتل اور گھر میں زبردستی گھسنے کی دفعات شامل کی گئی ہیں جبکہ ہومیسائیڈ انوسٹی گیشن یونٹ (HIU)نے موقع سے تمام شواہد اکٹھے کر کے ہر پہلو سے تحقیقات کا آغاز کر دیا ہے

سب انسپکٹر جمیل کی سربراہی میں ایچ آئی یوکی تفتیشی ٹیم نے جائے وقوعہ سے خون کے نمونے ، کنگھی، ٹوتھ برش ،شیشہ ، انسانی بال ،خون آلود چادر ، کمبل،تکیہ ، مولانا کی عینک اور تولئے سمیت قبضہ میں لئے گئے دیگر شواہدسائنسی تجزیئے کے لئے پنجاب فرانزک لیب ٹھوکر نیاز بیگ بھجوا دیئے ہیں جبکہ حملہ آوروں کے فنگر پرنٹ بھی نادرا کو بھجوا دیئے گئے ہیں ذرائع کے مطابق معاملہ بظاہر دشمنی یا دیرینہ عداوت کا نتیجہ لگتا ہے تاہم فی الوقت کوئی بات حتمی نہیں ہے ابتدائی تحقیقات کرنے والوں کا خیال ہے کہ قاتل کا گھر میں آنا جانا تھاگارڈ اور ملازمین گھر سے باہر جاتے ہوئے دروازہ بند کر کے گئے ایسے میں حملہ آور رہائش گاہ میں دیوار پھلانگ کر داخل ہوا اور مولانا پرچھریوں کے پے در پے وار کئے پولیس نے گھرمیں موجود ملازمین کے بیان بھی ریکارڈ کرنے کے علاوہ فرانزک ایکسپرٹ اور انسداد دہشت گردی فورس نے جائے وقوعہ سے خون کے نمونے، فنگر پرنٹس اور شواہد اکٹھے کرلئے ہیں اسی طرح تحقیقاتی ٹیم نے ابتدائی طورپرسی سی ٹی وی فوٹیج سے اہم معلومات حاصل کر لیں ذرائع کے مطابق مولانا سمیع الحق نے 6 بج کر 40 منٹ پر سوسائٹی کی سکیورٹی کو فون کیا تھاجبکہ زخمی حالت میں مولانا سمیع الحق نے سوسائٹی کی سیکورٹی کو خود فون کیا تھا فون کرنے کے بعد ایمبولینس گھر پہنچائی گئی تھی اورگھر سے ہسپتال منتقلی تک مولانا سمیع الحق زندہ تھے تاہم نجی ہسپتال میں پہنچنے سے کچھ دیر قبل ہی خالق حقیقی سے جا ملے ذرائع نے یہ بھی دعویٰ کیا ہے کہ مولانا سمیع الحق نے ایمبولینس کے عملہ کو قاتلوں کے متعلق آگاہ کیا تھا جس پرپولیس نے ایمبولینس کے عملہ کو بھی شامل تفتیش کرنے کا فیصلہ کیاہے

موضوعات:

آج کی سب سے زیادہ پڑھی جانے والی خبریں


کالم



نیوٹن


’’میں جاننا چاہتا تھا‘ میں اصل میں کون ہوں‘…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…