اسلام آباد (وائس آف ایشیا)سعودی عرب کی جانب سے پاکستان کے لیے اعلان کردہ مالی امدادی پیکیج میں سے ایک ارب ڈالر کی پہلی قسط کا حصول آئندہ ہفتے متوقع ہے۔میڈیا رپورٹس کے مطابق رواں ماہ سعودی عرب کی جانب سے زر مبادلہ ذخائر کو سہارا دینے کے لیے تین ارب ڈالر دینے کا اعلان کیا گیا تھا۔یہ رقم پاکستان کو قسطوں میں دی جا رہی ہے۔جس میں پہلی قسط آئندہ ہفتے
مل جانے کی امید ہے،اس کے علاوہ سعودی عرب پاکستان کو ہر سال ادھار پر تیل بھی دے گا جس کی مالیت 3 ارب ڈالر ہے۔ماہرین کا کہنا ہے کہ سعودی عرب کی جانب سے دی جانے والی امداد سے بیرونی ادائیگیوں کے چیلنجز سے نمٹنے میں مدد ملے گی۔برادر اسلامی ملک سے ڈالر آنے کے بعد گرتے ہوئے زر مبادلہ کو ذخائر کا سہارا ملے گااور روپیہ بھی مستحکم ہو گا۔
