اسلام آباد(مانیٹرنگ ڈیسک) مولانا سمیع الحق کو افغان خفیہ ایجنسی نے قتل کرایا ،اس کام میں ان کے گن مین ملوث ہیں۔سینئر صحافی چوہدری غلام حسین کا دعویٰ ،نجی ٹی وی کے پروگرام میں گفتگو کرتے ہوئے انہوں نے کہا کہ مولانا سمیع الحق کے گن مین افغان شہری تھے اور مصدقہ اطلاعات ہیں کہ وہ مولانا کی شہادت میں ملوث ہیں، انہوں نے ہی قتل کیا اور کرایا ہے۔ وہ پتہ نہیں کب سے کس کی گیم کھیل رہے تھے، انہیں سب پتہ تھا کیونکہ

وہ اندر گھسے ہوئے تھے۔ یہ بھی کہا جارہا ہے کہ گزشتہ دنوں افغانستان کا پاکستان مخالف جو بندہ قتل ہواہے اس کا جواب دیا گیا ہے۔ انہوں نے مزید کہا کہ مولانا سمیع الحق پی ٹی آئی حکومت کا ساتھ دے رہے تھے اس لیے پاکستان کو غیر مستحکم کرنے کیلئے افغان گماشتوں نے یہ کام کیا ہے تاکہ عمران خان کو صدمہ پہنچایا جائے اور انہیں خیبر پختونخوا میں کمزور کیا جائے۔دوسری جانب ان کے قتل کی مختلف پہلوئوں سے تحقیقات جاری ہیں ۔