اسلام آباد(مانیٹرنگ ڈیسک)شہباز شریف کو بلڈ کینسر نہیں، سابق وزیراعلیٰ پنجاب کی اہلیہ تہمینہ درانی نے اپنے شوہر سے منسوب میڈیا پر چلنی والی خبروں کی تردید کر دی۔ تفصیلات کے مطابق سابق وزیراعلیٰ پنجاب شہباز شریف کی اہلیہ تہمینہ درانی نے میڈیا پر شہباز شریف سے منسوب اس بیان کی تردید کر دی ہے جس میں کہا گیا ہے کہ انہیں بلڈ کینسر ہے۔ نجی ٹی وی
رپورٹ میں تہمینہ درانی کے حوالے سے بیان میں کہا گیا ہے کہ شہباز شریف کو بلڈ کینسر نہیں میڈیا پر ان سے متعلق غلط بات منسوب کی جارہی ہے ۔ شہبازشریف نے کہاہے کہ وہ بلڈ کینسر سے شفا یاب ہوئے ہیں۔ان کا کہنا تھا کہ شہبازشریف کو شیڈول کے مطابق بلڈ ٹیسٹ کروانا ہوتا ہے لیکن نیب حکام ان کی گرفتاری سے لیکر اب تک ان کو بلڈ ٹیسٹ کروانے کی اجازت نہیں دے رہے ۔
