اسلام آباد(نیوز ڈیسک)مسلم لیگ (ن) کے قائد اور سابق وزیراعظم نواز شریف پارلیمنٹ ہاؤس پہنچے تو قومی اسمبلی میں قائد حزب اختلاف اور مسلم لیگ (ن) کے صدر شہباز شریف نے پارلیمنٹ کے گیٹ پر نواز شریف کا استقبال کیا اور دونوں نے ایک دوسرے کو گلے لگایا ۔ اس موقع پر اسمبلی کے سٹاف نے نواز شریف کو سلیوٹ بھی کئے۔ نواز شریف کی پارلیمنٹ ہائوس
آمد کے موقع پر ن لیگ کے ممبران اسمبلی ’وزیراعظم نواز شریف ‘ کے نعرے لگاتے رہے۔جس کے بعد نواز شریف، شہباز شریف کے ساتھ قائد حزب اختلاف کے چیمبر میں چلے گئے۔ سابق وزیر اعظم محمد نوازشریف سے پاکستان پیپلز پارٹی کے رہنما سید خورشید شاہ نے بھی ملاقات کی جس میں ملک کی موجودہ سیاسی صورتحال سمیت مختلف امورپر تبادلہ خیال کیا گیا ۔
