کراچی (آئی این پی) نجی بینک کے ملازمین نے قرضے کی عدم ادائیگی پر شہری کو تشددکا تشدد کانشانہ بنایاہے۔تفصیلات کے مطابق ایاز بھٹی نامی شخص نے بینک سے 50 ہزار روپے قرضہ لیا تھا۔عدم ادائیگی پر بینک ملازمین اسلحے کے زور پراسے اپنے ساتھ لے گئے تھے۔شہری کو اغوا کرنے کی کوشش پر تین
بینک ملازمین کے خلاف اغوا کا مقدمہ درج کرکے نامزد ملازمین کو گرفتار کرلیا گیا ہے۔متاثرہ شخص نے بتایابینک کو 28 ہزار روپے قرضہ واپس بھی کرچکا ہوں۔ شہری کاکہناہے کہ گلشن اقبال بلاک 10میں اس کی درزی کی دکان ہے۔ پولیس نے بتایاہے کہ مقدمے میں نامزد 3بینک ملازمین کو گرفتار کرلیا گیا ہے۔
