لاہور(آئی این پی ) متحدہ مجلس عمل کے سربراہ مولانا فضل الرحمن نے مسلم لیگ (ن) کے قائد نواز شریف سے ٹیلی فونک رابطہ کیا جس دوران دونوں رہنماؤں نے اپوزیشن جماعتوں میں رابطوں میں تیزی لانے پر اتفاق کیا ۔جمعہ کو جمعیت علماء اسلام (ف) اور متحدہ مجلس عمل کے سربراہ مولانا فضل الرحمن نے مسلم لیگ (ن) کے قائد نواز شریف سے ٹیلی فونک رابطہ کیا ۔ اس موقع پر مولانا فضل الرحمن نے

آصف علی زرداری سے ملاقات کے بار ے میں آگاہ کیا ۔اس دوران ہونیو الی کل جماعتی کانفرنس کے حوالے سے بات چیت کی گئی ۔دونوں رہنماؤں کے درمیان اپوزیشن جماعتوں میں رابطوں میں تیزی لانے پر اتفاق کیا گیا،مولانا فضل الرحمان نے تجویز دی کہ اپوزیشن جماعتوں کو ملکر حکومت کو ٹف ٹائم دینا چاہئے جس پر نواز شریف نے کہا کہ وہ پارٹی سے مشاورت کے بعد کوئی جواب د ینگے۔

موضوعات:فضل الرحمن کا نواز شریف سے ٹیلی فونک رابطہ