لاہور (آئی این پی) پاکستان مسلم لیگ (ن) کے سینئر رہنماء و سابق وزیر ریلوے خواجہ سعد رفیق نے کہا ہے کہ ضمنی الیکشن جیتنے کے لئے پر امید ہوں ، ہم عام انتخابات میں بھی نہیں ہارے تھے اگر ووٹوں کی دوبارہ گنتی نہ رکتی تو ہم انتخاب جیت چکے تھے ، حکومت نے مہنگائی میں اضافہ کرکے عوام کی چیخیں نکلوا دیں ، میرے کارکنان کے گھروں پر چھاپے مارے جا رہے ہیں ۔ وہ جمعہ کو نجی ٹی وی کو انٹرویو دے رہے تھے ۔ انہوں نے کہا کہ (ن) لیگ نے اپنے دور میں ترقیاتی کام کئے ۔ احتساب کے نام پر ہم سے انتقام
لیا جا رہا ہے ، میرے گھر پر اور میرے کارکنان کے گھروں پر چھاپے مارے جا رہے ہیں ۔ ہمارے کارکنان کو گرفتار کیا جا رہا ہے ۔ ہم نے الیکشن چوری ہونے کے باوجود دھرنا نہیں دیا مگر کارکنان کی گرفتاری پر احتجاج کرینگے ۔ خواجہ سعد رفیق نے کہا کہ ضمنی الیکشن جیتنے کے لئے پر امید ہوں ۔ ہم عام انتخابات میں بھی نہیں ہارے تھے ۔ اگر ووٹوں کی دوبارہ گنتی نہ رکتی تو ہم الیکشن جیت چکے تھے ۔ حکومت نے مہنگائی میں اضافہ کرکے عوام کی چیخیں نکلوادیں ۔ (ن) لیگ نے اپنے دور میں ترقیاتی کام کروائے ۔
