لاہور (آئی این پی) ضمنی انتخاب،کون سی پارٹی سب سے آگے؟ ن لیگ یا تحریک انصاف؟ سروے کے ایسے نتائج سامنے آگئے کے کسی کے وہم و گمان میں بھی نہ ہوگا،راولپنڈی کے حلقہ این اے 60میں 14اکتوبر کو ہونے والے ضمنی انتخاب کے حوالے سے سروے کیاگیا جس میں 50فیصد لوگوں کی جانب سے تحریک انصاف کے امیدوار شیخ راشد شفیق اور 47فیصد لوگوں کی جانب سے پاکستان مسلم لیگ (ن) کے امیدوار سجاد خان کو سپورٹ کرنے کا کہا گیا،

حلقے سے لوگوں کے ملے جلے تاثرات سامنے آئے بعض شہری تحریک انصاف سے دومہنیوں میں تنگ آچکے ہیں جبکہ کچھ شہریوں کا کہنا ہے کہ ابھی تحریک انصاف کو بہت کم ٹائم ہوا ہے اس لیے انہیں ابھی مزید وقت دے کر پرکھنا چاہیے۔ جمعہ کو نجی ٹی وی نے راولپنڈی کے حلقہ این اے 60میں انتخابی سروے کیا ، جس میں عوام کی رائے لی گئی کہ وہ کس امیدوار کوآئندہ ضمنی الیکشن میں کامیاب کروائیں گے، این اے 60میں (ن) لیگ کے سجاد خان اور پی ٹی آئی کے شیخ راشد شفیق آمنے سامنے ہیں، عوامی سروے میں ایک شہری نے کہا کہ ہم لکیر کے فقیر نہیں ہیں کہ خان نے جو کہا اسکے پیچھے لگ گئے جبکہ ایک اور شہری کا کہنا تھا کہ ہم بلے کو ووٹ دینگے کیونکہ ابھی تحریک انصاف کی حکمت کو صرف 2ماہ ہوئے ہیں اور ابھی تک ہم ان کو مزید جانچنا چاہتے ہیں۔ لطیف نامی شہری نے کہا کہ پی ٹی آئی نے جو وعدے کئے اس کے مطابق وہ کام نہیں کررہے اس لیے ہم (ن) لیگ کے سجاد خان کو ووٹ دینگے۔ ایک نوجوان شہری نے کہا کہ ہم تحریک انصاف کو ہی ووٹ دینگے کیونکہ ہمیں تبدیلی چاہیے۔ راشد نامی شہری کا کہنا تھا کہ ہم شیر کو جتائیں گے کم سے کم وہ مہنگائی کے اوپر کنٹرول تو کرتا ہے۔ سروے کے دوران ایک شہری عمر نے کہا کہ ہم شیر کو ووٹ دینگے کیونکہ (ن) لیگ کے دور میں بہت زیادہ ترقیاتی کام ہوئے اور ملک میں امن ومان آیا ہے۔ حلقہ کے مکمل سروے کے مطابق تحریک انصاف کے امیدوار شیخ راشد شفیق کے حق میں 50فیصد لوگوں کی رائے آئی اور مسلم لیگ (ن) کے امیدوار سجاد خان کے حق میں 47فیصد لوگوں کی رائے آئی ۔ واضح رہے کہ عام انتخابات میں اس حلقہ میں حنیف عباسی کی گرفتاری کی وجہ سے انتخاب ملتوی ہوگیا تھا۔