اسلام آباد(مانیٹرنگ ڈیسک)بریگیڈئیر ریٹائر فاروق ناصر اعوان نے ڈائریکٹر جنرل نیب کراچی کاچارج سنبھال لیا۔ تفصیلات کے مطابق بریگیڈئیر ریٹائر فاروق ناصر اعوان نے ڈائریکٹر جنرل نیب کراچی کا چارج سنبھال لیا ہے ۔ فاروق ناصر اعوان پشاور میں اپنی تعیناتی کے دوران متعدد اہم کیسز پر کام کر چکے ہیں جن میں انہوں نے کامیابیاں حاصل کیں۔ انہوں نے طور خم پر کسٹم حکام کی جانب سے 800کروڑ روپے کی کرینوں کا کیس بھی حل کیا اور ان ہی کی کوششوں کا نتیجہ ہے کہ آج پاکستان کو افغانستان جانے والے سامان
پر ماہانہ 15ملین ڈالر کی آمدن حاصل ہو رہی ہے۔ انہوں نے ملتان میں اپنی تعیناتی کے دور میں ایک ارب روپے کی ریکارڈ ریکوری بھی کی۔ بریگیڈئیر ریٹائر فاروق ناصر اعوان کا شکار قومی احتساب بیورو نیب کےمحنتی اور تجربہ کار افسروں میں ہوتا ہے۔ انہوں نے 2013سے 2016تک چیف آف سٹاف اور ڈی جی ہیڈکوارٹرز نیب کی ذمہ داریاں ادا کی ہیں۔ فاروق ناصر اعوان نے 1980میں پاک فوج میں کمیشن حاصل کیا اور فوج میں کوئی اعلیٰ عہدوں پر فائز رہنے کے بعد 2011میں بریگیڈئیر کے عہدے سے ریٹائر ہوئے۔
