سکردو(آئی این پی )سکردو کے بالائی علاقوں میں موسم سرما کی پہلی برف باری طورمک،بلا مک ،گلتری اور دیوسائی میں 6انچ تک برف،شہر میں بارشوں نے موسم سرد کر دیا۔ سکردو کے بالائی علاقوں میں بدھ کے روز صبح سے برفباری کا سلسلہ جاری ہے جس کی وجہ سے روندو کے

بالائی علاقے طورمک،تھورچے ،بلامک ،شغرتھنگ ،دیوسائی اور گلتری میں شدید برف باری کی وجہ سے 6انچ برف پڑ چکی ہے اور گزشتہ 4گھنٹوں سے جاری برف باری سے متعدد علاقوں کا زمینی رابطہ منقطع ہو گیا ہے دوسری جانب شہر میں ہونے والی بارشوں نے موسم سرد کر دیا ہے ۔