اسلام آباد(آئی این پی )امریکی نمائندہ خصوصی اور وزیر خارجہ شاہ محمود کے درمیان مستقبل میں تعاون پر اتفاق ہو گیا ، وزیر خارجہ نے کہا کہ پاکستان افغانستان میں قیام امن کیلئے امریکی کاوشوں کا خیر مقدم کرتا ہے،افغان تنازعہ کے سیاسی حل کے لیے بھی بھرپور کردار ادا کرتا رہے گا۔ منگل کو امریکی نمائندہ خصوصی زلمے خلیل زاد کی دفتر خارجہ آمد ہوئی جہاں انہوں نے شاہ محمود قریشی سے ملاقات کی اور
وزیر خارجہ کو اپنے دورہ کابل سے آگاہ کیا۔امریکی نمائندہ خصوصی اور وزیر خارجہ شاہ محمود کے درمیان مستقبل میں تعاون پر اتفاق کیا گیا جب کہ اس موقع پر وزیر خارجہ نے کہا کہ پاکستان افغانستان میں قیام امن کیلئے امریکی کاوشوں کا خیر مقدم کرتا ہے اور افغان تنازعہ کے سیاسی حل کے لیے بھی بھرپور کردار ادا کرتا رہے گا۔اس سے قبل امریکی نمائندہ خصوصی نے سیکریٹری خارجہ تہمینہ جنجوعہ سے بھی ملاقات کی۔
