کراچی(این این آئی)پی آئی اے کے طیارے میں چمگادڑ گھس گئی،جس سے مسافر پریشان ہو گئے اور عملے کی دوڑیں لگ گئیں۔ذرائع کے مطابق پی آئی اے کی اسلام آباد سے کراچی کی پروازپی کے 373 میں چمگادڑ گھس آئی جس کو دیکھ کر مسافرحیران ہو گئے۔خواتین مسافر تو خوف زدہ بھی دیکھائی دیں اور چیختی چلاتی رہیں اور عملہ چمگادڑ کو طیارے سے نکالنے کی کوشش کرتا رہا

تاہم وہ ادھرے سے ادھر اور ادھر سے ادھر چکر لگاتی رہی۔مسافر مشورہ دیتے رہے کہ ایسے بند کر دیں۔ بلاآخر کیبن کریو نے تکیے سے مار کر چمگادڑ کو گرا دیا اور مسافروں کی جان میں جان آئی۔ اس سب کے دوران پرواز بھی تاخیر کا شکار ہو گئی۔ترجمان کے مطابق کیٹرنگ کی لوڈنگ کے دوران چمگاڈر طیارے میں داخل ہوئی تھی تاہم پرواز میں تاخیر کنوینئر بیلٹ کی خرابی کی وجہ سے ہوئی۔