اسلام آباد(مانیٹرنگ ڈیسک)وزیر خارجہ شاہ محمود قریشی کے خاندان پر نوازشات ،وفاقی کابینہ میں توسیع، وزیر خارجہ کے صاحبزادے اور بھانجے کو کابینہ کا حصہ بنا دیا گیا۔ تفصیلات کے مطابق تحریک انصاف کی وفاقی حکومت نے وزیر خارجہ شاہ محمود قریشی کے صاحبزادے مخدوم زین قریشی اور بھانجے ظہور حسین قریشی کو کابینہ کا حصہ بنا لیا ہے۔ حکومت کی جانب سے جاری کردہ نوٹیفیکیشن
کے مطابق وزیر اعظم عمران خان نےشاہ محمود قریشی کے صاحبزادے مخدوم زین قریشی کو پارلیمانی سیکرٹری مقرر کردیا ۔شاہ محمود کے بیٹے زین قریشی پارلیمانی سیکریٹری برائے فنانس ہوں گے ،وہ قومی اسمبلی کے حلقہ این اے 157 سے رکن اسمبلی منتخب ہوئے تھے۔حکومتی نوٹیفیکیشن کے مطابق شاہ محمود کے بھانجے ظہور حسین قریشی کو پارلیمانی سیکریٹری برائے توانائی مقرر کیا گیا ہے۔
