لاہور ( نیوز ڈیسک) پیپلز پارٹی کے چیئرمین بلاول بھٹو زرداری کے ترجمان سینیٹر مصطفی نواز کھوکھر نے کہا ہے کہ وزیراطلاعات فواد چودھری نے مقدس ایوان کا تقدس پامال کیا جو زبان استعمال کی وہ کسی طور بھی پارلیمانی نہیں۔انہوں نے اپنے ردعمل کا اظہار کرتے ہوئے کہا کہ حکومت اس طرح کے رویے سوالوں سے نہیں بچ سکتی، ایک کروڑ نوکریاں دینے کا وعدہ کرنے والے آج پی پی پر نوکریاں دینے کا الزام لگا رہے ہیں، کیا
تحریک انصاف پرانی سرکاری ملازموں کو بیروزگار کے کے نئے لوگوں ایک کروڑ نوکریان دے گی، ؟ ۔ترجمان بلاول بھٹو نے کہا کہ ابھی تو اپوزیشن نے سوال شروع کئے ہیں ابھی سے حکومت ہانپنا شروع ہو گئی، کشکول توڑنے کا وعدہ کرنے والے چندہ مانگ رہے، اکانومی کو چندہ نامی بنا دیا ، خان صاحب نے کہا تھا کہ کسی سے قرضہ لینے کے بجائے وہ خودکشی کر لیں گے،آج آئی ایم ایف کے پاس کیا لینے جا رہے ہیں ؟۔
