لاہور(مانیٹرنگ ڈیسک)وزیراعظم عمران خان کے ڈیم فنڈ میں رقم جمع کروانے کے اعلان کے بعد دنیا بھر میں پھیلے پاکستانیوں نے لبیک تو کہا ہی مگر ایسے میں پاکستان میں موجود شہری بھی کسی سے پیچھے نہ رہے کروڑوں روپے کے عطیات جمع کروانے کا اعلان کر دیا ۔ نجی ٹی وی نے ’’سپیشل ڈیم فنڈ ریزنگ ٹرانسمیشن ‘‘منعقد کی جس میں دنیا بھر میں مقیم پاکستانیوں نے خوب

بڑ ھ چڑھ کر حصہ لیا اور تین گھنٹوں میں دل کھول کر عطیات کئے ۔ اس نشریات کیمیں معروف گلوکار سلمان احمد نے ایک لاکھ ڈالر ، پاکستانی کرکٹر سعید اجمل نے ایک لاکھ روپے ، ابرار الحق نے 10لاکھ روپے اور پاکستانی انٹرنیشنل امپائر علیم ڈار نے ڈیم فنڈ میں 10ہزار ڈالر جمع کرنے کا اعلان بھی کیا ۔ ۔اس طرح برطانوی شہر مڈلبرو میں مقیم پاکستانیوں نے 26ہزار روپے دینے کا اعلان کیا ۔ بریڈ فورڈ کے ایک پاکستانی ٹیکسی ڈرائیورنے 4ہزار پاؤنڈ دینے کا اعلان کیا۔