اسلام آباد (آئی این پی ) سپریم کورٹ نے ایل ایل بی کی تین سالہ ڈگری کے لئے رواں سال آخری قرار دیتے ہوئے اگلے سال سے ایل ایل بی کے لئے پانچ سالہ کورس مقرر کردیا۔ جمعہ کو سپریم کورٹ نے لاء کالجز کے تعلیمی معیار سے متعلق کیس کا مختصر فیصلہ سنایا۔ فیصلہ میں کہا گیا کہ ایل ایل بی کی تین سالہ ڈگری کے لئے رواں

سال آخری ہوگا۔ اگلے سال سے ایل ایل بی کے لئے صرف پانچ سالہ کورس ہوگا سپریم کورٹ نے لاء کالجز میں ایوننگ کلاسز پر پابندی عائد کردی۔ عدالت نے ریمارکس دیئے کہ معیار پر پورا نہ اترنے والے لاء کالجز کو متعلقہ یونیورسٹیز نوٹس بھیجیں۔ غیر معیاری لاء کالجز کو بہتر بنانے کے لئے چھ ہفتے کی مہلت دی جائے۔

موضوعات:ایل ایل بی ڈگری سپریم کورٹ