لاہور(سی پی پی )تبدیلی آگئی ہے،خواجہ سراؤں نے پنجاب پولیس کے اہلکاروں کی درگت بنا دی۔ لاہورکے علاقہ سبزہ زار میں خواجہ سراؤں نے الزام عائد کیا ہے کہ پولیس ان سے بھتہ مانگتی تھی۔تفصیلات کے مطابق  لاہور کے علاقے سبزہ زار میں خواجہ سراؤں سے بھتہ مانگنا پولیس کو مہنگا پڑ گیا۔خواجہ سراؤں

نے پولیس اہلکاروں کی درگت بنا ڈالی۔اس پر خواجہ سراؤں کا موقف تھا کہ پولیس کے اہلکار ہر ماہ بھتہ لیتے تھے اور بد تمیزی بھی کرتے تھے ،اس بار انہوں نے تنگ آکر پولیس اہلکاروں کو تشدد کا نشانہ بنایا۔دوسری جانب ایس پی صدر معاذ ظفر کا کہنا تھا کہ واقعے کی تحقیقات کررہے ہیں اور ذمہ داروں کو سخت سزا دی جائے گی۔