لاہور(آن لائن) لاہورپولیس نے تھانوں میں ایک نئے دورکاآغازکردیا۔ تاریخ میں پہلی بار تین تھانوں میں خاتون محررزکوتعینات کردیاگیا۔ تین خاتون محررزمیں سے دوکومردپولیس اسٹیشنزمیں تعینات کیاگیاہے۔ڈی آئی جی آپریشنزلاہورشہزاداکبرکے حکم پر عظمیٰ ریحان کوتھانہ لٹن روڈ، فرح الطاف کولوئرمال اورعنبرین اخترکوتھانہ وومن پولیس اسٹیشن میں
فوری تعینات کردیاگیا۔خاتون محررنے تعیناتی کے بعدذمہ داریاں سنبھال لیں۔ ڈی آئی جی آپریشنزلاہورشہزاداکبرنے اس موقع پر کہا کہ تھانوں میں خاتون محررزکوآئی جی پنجاب ڈاکٹرکلیم امام کے ویژن اور سی سی پی اولاہوربی اے ناصرکی ہدایت پرتعینات کیاگیا۔تھانوں میں خاتون محررکوتعینات کرنے کابنیادی مقصدروایتی تھانہ کلچرکی تبدیلی ہے۔
