کراچی(این این آئی)پاکستان پیپلز پارٹی کے پاس کراچی میں پولنگ ایجنٹ ہی نہیں تھے، کرائے کے پولنگ ایجنٹ رکھے، پرانے جیالے اورپی ایس 113کے صدرغلام محمد بنگلانی کو پارٹی چیئرمین بلاول بھٹوزرداری کو رپورٹ بھیجنا مہنگا پڑگیا،جس کے نتیجے میں انہیں عہدے سے ہٹادیا گیا۔ذرائع کے مطابق عام انتخابات 2018 میں پیپلز پارٹی
کی کراچی سے شکست کی وجوہات کیا تھیں؟، پیپلز پارٹی کے پاس اپنے پولنگ ایجنٹس بھی نہ تھے، دیہاڑی پر پولنگ ایجنٹس رکھے گئے، جنہیں امیدواروں کے نام بھی پتہ نہ تھے۔پیپلز پارٹی پی ایس 113 کے صدر غلام محمد بنگلانی نے رپورٹ بلاول بھٹو زرداری کو ارسال کی جو نثار کھوڑو کو ایک آنکھ نہ بھائی اور عہدے سے فارغ کردیا گیا۔