پشاور (سی پی پی)پی ٹی آئی کے نومنتخب ایم پی اے عاطف خان نے وضاحت کی ہے کہ میں نے کوئی لابنگ نہیں کی ،وزیراعلیٰ بنانے کا فیصلہ عمران خان نے کرناہے اور وہ جس کو نامزد کریں گے ہم تسلیم کریں گے۔میڈیا سے گفتگو کرتے ہوئے پی ٹی آئی کے نومنتخب ایم پی اے عاطف خان کا کہنا تھا کہ پہلی بارپختونخوا کے عوام نے دوبارہ کسی جماعت کومنتخب کیا ۔
پارلیمانی پارٹی کا اجلاس حکومت بنانے سے متعلق نہیں ہے۔یہ پارٹی اور ووٹ عمران خان کا ہے،انہوں نے ہمیشہ میرٹ پر کام کیا ہے۔عاطف خان کا مزید کہنا تھا کہ عمران خان ہم سب کو اچھے طرح جانتے ہیں، میں نے کوئی لابنگ نہیں کی ہے،وزیراعلیٰ بنانے کا فیصلہ عمران خان نے کرناہے اور وہ جس کو نامزد کریں گے ہم تسلیم کریں گے۔
