اسلام آباد(مانیٹرنگ ڈیسک)ملک کے معروف صحافی حامد میر نے عمران خان سے الیکشن کے بعد بنی گالا میں طویل ملاقات کی جس کی روداد اور اہم باتیں انہوں نے اپنے آج کے کالم میں لکھی ہیں ۔ ایک جگہ وہ لکھتے ہیں کہ میں عمران خان کے دفتر سے باہر نکلا تو سامنے سے جہانگیر ترین آ رہےتھے اور ان کے دائیں بائیں پنجاب
اسمبلی کے کچھ آزاد اراکین تھے ۔ترین صاحب نے میرے ساتھ کچھ شکوے شکائتیں کیں اور پھر آزاد اراکین کی طرف اشارہ کرتے ہوئے کہا ان سے پوچھ لو یہ بیس بیس کروڑ کی پیشکش ٹھکرا کر میرے ساتھ آئے ہیں اور عمران خان کو غیر مشروط حمایت دیں گے لیکن میڈیا میں مجھ پر ہارس ٹریڈنگ کا الزام لگایا جا رہا ہے ۔
