کوئٹہ (آئی این پی) پاکستان تحریک انصاف بلوچستان کے صدر یار محمد رند نے کہا ہے کہ جام کمال کو وزیراعلیٰ بلوچستان نامزد کرنے پر اختلاف ہے ،عمران خان جو فیصلہ کرینگے وہی ہمیں قبول ہوگا، پی ٹی آئی بلوچستان جہانگیر ترین کے اقدام سے سخت ناراض ہیں ، پی ٹی آئی بلوچستان میں خود اپنی حکومت بنا سکتی ہے۔ نجی ٹی وی سے گفتگو کرتے ہوئے پی ٹی آئی بلوچستان کے صدر یارمحمد رند نے کہا ہے کہ
پارٹی کے اندر کوئی اختلا ف نہیں ہیں، بی اے پی سے مرکز میں حمایت کے بدلے صوبائی حکومت میں تعاون کی بات ہوئی تھی، پارٹی جسکو منتخب کرے گی وہی تعاون کی بات ہوئی تھی۔عمران خان نے ہمیں مل بیٹھ کر بات کرنے کا کہا تھا۔ پی ٹی آئی بلوچستان میں خود اپنی حکومت بنا سکتی ہے۔ انہوں نے کہا کہ پی ٹی آئی بلوچستان جہانگیر ترین کے اقدامات سے سخت ناراض ہے۔ عمران خان جو فیصلہ کریں گے ہمیں قبول ہوگا۔
