گوجرانوالہ ( آن لائن )گوجرانوالہ میں چیونگم چھیننے پر دوست نے دوست کی جان لے لی، چھڑانے کی کوشش پر دوسرا دوست زخمی ہوگیا پولیس نے ملزم چاند سمیت 2 افراد کو گرفتار کر لیا۔تھانہ صدر کے علاقہ کوہلو والا میں معمولی تلخ کلامی پر دو دوستوں میں جھگڑا ہوگیا جھگڑے کے دوران چاند نامی نوجوان نے تیز دھار آلے سے اپنے دوست ثقلین کو قتل کر دیا۔

جبکہ چھڑانے کی کوشش میں سہیل نامی دوسرا دوست زخمی ہوگیا۔ زخمی کو ڈی ایچ کیو ہسپتال منتقل کر دیا گیا جبکہ پولیس نے ملزم چاند سمیت دو افراد کو گرفتار کر لیا ہے پولیس کے مطابق چاروں افراد آپس میں دوست ہیں۔ذرائع کا بتانا ہے کہ ملزم نے مقتول سے چینوگم چھینی تو اس نے گالی دیدی جس پر تلخ کلامی کے بعد جھگڑا شروع ہو گیا واقعہ کی مزید تحقیقات کی جارہی ہیں۔