اسلام آباد(مانیٹرنگ ڈیسک)اگر مسلم لیگ ن، پیپلزپارٹی اور دیگر سیاسی جماعتیں چاہیں تو عمران خان وزیراعظم نہیں بن سکتے ، حامد میر ایسی نمبر گیم سامنے لے آئے کہ جان کر تحریک انصاف والے ششدر رہ جائیں گے۔ تفصیلات کے مطابق نجی ٹی وی کی الیکشن ٹرانسمیشن کے دوران حامد میر نے خاتون اینکر کے ایک سوال کا جواب دیتے ہوئے کہا ہے کہ تحریک انصاف عام الیکشن کے نتائج کے بعد اکثریتی جماعت کے طور پر قومی اسمبلی میں سامنے آئی ہے اور عمران خان کے وزیراعظم بننے کے امکانات
روشن ہیں تاہم اگر مسلم لیگ ن ، پیپلزپارٹی اور دیگر اپوزیشن جماعتیں چاہیں تو عمران خان کو وزیراعظم بننے سے روکا جا سکتا ہے۔ عمران خان کا کہنا تھا کہ اس کیلئے ضروری ہے کہ تمام جماعتیں حلف اٹھائیں اور پارلیمنٹ میںآئیں۔ قومی اسمبلی میں قائد ایوان کے انتخاب کے موقع پر مسلم لیگ ن، پیپلزپارٹی اور دیگر سیاسی جماعتیں اگر ایک نقطہ پر متفق ہو کر مشترکہ امیدوار سامنے لاتی ہیں تو عمران خان کو وزیراعظم بننے سے روک سکتی ہیں لیکن اس کیلئے ان سیاسی جماعتوں کا ایک نقطہ پر متفق ہونا ضروری ہے۔
