لاہور (آئی این پی) تحریک انصاف میں پھوٹ پڑ گئی، شاہ محمودقریشی اپنے مخالف امیدوار سلمان نعیم کو جہانگیر ترین اور علیم کی مدد کے ثبوت منظر عام پر لے آئے،عمران خان ششدر، تحر یک انصاف کے وائس چےئر مین شاہ محمود قر یشی نے عام انتخابات اپنے مخالف امیدوار پنجاب سلمان نعیم کو جہانگیر خان ترین اور علیم خان کی جانب سے مالی سمیت تمام سپورٹ دینے کے ثبوت چےئر مین عمران خان کو دیدےئے ‘شاہ محمود قریشی اور جہانگیر خان ترین کے در میان آزاد رکن پنجاب اسمبلی سلمان نعیم کو تحر یک انصاف
میں شامل کر نے پر شدید اختلافات کا انکشاف ہے۔ذرائع کے مطابق شاہ محمود قریشی نے ایک درجن سے زائد ایسے ثبوت دےئے ہیں جن میں وہ دعوی کرتے ہیں کہ انکو پنجاب اسمبلی کی نشست پر شکست دینے کیلئے جہانگیر خان ترین اور علیم خان نے آزاد رکن اسمبلی سلمان نعیم کو مالی اور دیگر سپورٹ دی ہے جبکہ اب تحر یک انصاف کے جہانگیر خان اور علیم خان کی سلمان نعیم سے ملاقات پر بھی شاہ محمود قر یشی نے سخت برہمی کا اظہار کیا ہے اور اس معاملے پر انکے در میان شدید اختلافات پیدا ہوچکے ہیں۔
