اسلام آباد (این این آئی)پاکستان تحریک انصاف کے رہنما میاں محمود الرشید نے کہا ہے کہ پنجاب میں حکومت سازی کیلئے ہماری نمبر گیم پوری ہو چکی ہے، کامیاب ہونیوالے آزاد امیدوار پی ٹی آئی کیساتھ ملنے کو تیار ہیں ،ہم نے جہاں جہاں بھی رابطے کیے ،مثبت رسپانس ملا ہے ،بہت سے لوگوں کیساتھ ہمارے مذاکرات مکمل ہو چکے ہیں،(ق) لیگ کیساتھ ہماری سیٹ ایڈجسٹمنٹ تھی اسے ہمارے ساتھ چلنا ہو گا۔
ہفتہ کو نجی ٹی وی سے گفتگو کرتے ہوئے میاں محمود الرشید نے کہا کہ پنجاب میں حکومت سازی کیلئے ہماری نمبر گیم پوری ہو چکی ہے، کامیاب ہونیوالے آزاد امیدوار پی ٹی آئی کیساتھ ملنے کو تیار ہیں ۔انہوں نے کہا کہ پاکستان مسلم لیگ (ق) ہمارے ساتھ ہے کیونکہ ان کیساتھ ہماری سیٹ ایڈجسٹمنٹ تھی اور ہم نے ان کے مقابلے میں اپنے امیدوار بھی کھڑے نہیں کئے تھے اس لئے (ق) لیگ کو ہمارے ساتھ چلنا ہو گا۔ انہوں نے کہا کہ بہت سارے آزاد امیدوار بھی پی ٹی آئی کیساتھ آنے کو تیار ہیں ،ہم نے جہاں جہاں بھی رابطے کیے ،مثبت رسپانس ملا ہے ،بہت سے لوگوں کیساتھ ہمارے مذاکرات مکمل ہو چکے ہیں۔ انہوں نے کہا کہ پی ٹی آئی مرکز میں بھی آسانی کے ساتھ حکومت بنانے کیلئے تیار ہے جس کیلئے پارٹی کے فیصلے کے مطابق پاکستان مسلم لیگ (ن) اور پاکستان پیپلز پارٹی کے علاوہ دیگر تمام سیاسی جماعتوں سے رابطے کئے جا رہے ہیں۔ انہوں نے کہا کہ پنجاب اور خیبرپختونخوا کے وزرائے اعلیٰ کے حوالے سے مشاورت جاری ہے اور ابھی تک کوئی حتمی فیصلہ نہیں ہوا، اس حوالے سے پارٹی جو بھی فیصلہ کرے گی اس کے مطابق سب اس پر عمل کریں گے۔ پاکستان تحریک انصاف کے رہنما میاں محمود الرشید نے کہا ہے کہ پنجاب میں حکومت سازی کیلئے ہماری نمبر گیم پوری ہو چکی ہے، کامیاب ہونیوالے آزاد امیدوار پی ٹی آئی کیساتھ ملنے کو تیار ہیں ،ہم نے جہاں جہاں بھی رابطے کیے ،مثبت رسپانس ملا ہے ،بہت سے لوگوں کیساتھ ہمارے مذاکرات مکمل ہو چکے ہیں
