اسلام آباد (این این آئی) مسلم لیگ نواز کے رہنما سردار ایازصادق نے کہا ہے کہ جتنے فنڈز چوہدری نثار علی خان کو ملے کسی اور کو نہیں ملے اور فنڈز ملے بھی وزیر اعلیٰ شہباز شریف کی وجہ سے ہیں ۔ہفتہ کو الیکشن کمیشن کے دفتر میں صحافیوں سے گفتگو کرتے ہوئے سردار ایاز صادق نے کہا کہ چوہدری نثار علی خان سے الیکشن کے بعد میرا کوئی رابطہ نہیں ہوا، ایک سوال پر انہوں نے کہا کہ
چوہدری نثار علی خان کو سب سے ترقیاتی فنڈز دیئے گئے ۔ اس موقع پر بات چیت کرتے ہوئے شاہد خاقان عباسی نے کہا کہ اب چوہدری نثار علی خان کو پتہ چل گیا ہو گا کہ پارٹی کے بغیر ان کی سیاسی حیثیت کیا ہے اور سب سے زیادہ فنڈز شہباز شریف نے ان کو دیئے اور انہیں جتنے بھی ووٹ ملے وہ شہباز شریف کی وجہ سے ملے ہیں، میرا ان سے ان دنوں میں کوئی رابطہ نہیں ہوا ہے۔
