لاہور(سی پی پی)تحریک انصاف کے چیئرمین ، ممکنہ وزیر اعظم عمران خان کو حلف برداری سے قبل مختلف رنگوں کے کپتان چپل کے پانچ جوڑوں کا تحفہ دیا جائے گا ۔عمران خان کیلئے پشاوری چپل تیار کرنے والے چاچانور الدین نے کہا کہ عمران خان کیلئے خصوصی طور پر مختلف رنگوں کے پانچ
پشاوری چپل تیارکئے جارہے ہیں جو انہیں حلف برداری سے قبل تحفے کے طور پر دئیے جائیں گے ۔ چاچانور الدین نے کہا کہ ہم پر امید ہیں کہ عمران خا ن قوم سے کئے گئے اپنے تمام وعدوں کو پورا کریں گے۔واضح رہے کہ عمران خان نے حالیہ الیکشن میں 5حلقوں سے کامیابی حاصل کی تھی۔
