اسلام آباد(مانیٹرنگ ڈیسک)پنجاب کا وزیر اعلیٰ کون ہوگا؟اس حوالے سے تحریک انصاف اور مسلم لیگ ن دونوں کی جانب سے کوششیں تیز کر دی گئی ہیں ۔نجی ٹی وی کے مطابق تحریک انصاف کے کارکنوں کی جانب سے یاسمین راشد کو وزیر اعلیٰ پنجاب بنانے کے لئے سوشل میڈیا پر مہم کا آغاز ہوگیا ہے ۔صارفین کا کہنا ہے کہ یاسمین راشد کی پارٹی کیلئے بہت قربانیاں ہیں ۔
انہوں نے ہارنے کے باوجود سب کے دل جیتے ہیں اس لئے انہیں مخصوص نشستوں پر آگے لا کر وزیر اعلیٰ پنجاب بنایا جائے ۔واضح رہے کہ اس سے پہلے یہ خبریں بھی زیر گردش ہیں کہ علیم خان ، فواد چوہدری وزارت اعلیٰ کی دوڑ میں شامل ہیں۔شاہ محمود قریشی صوبائی نشست ہارنے کے بعد وزیر اعلیٰ پنجاب بننے کی دوڑ سے باہرہوچکے ہیں۔
